Bojxona organlari tomonidan valyuta qimmatliklarini yashirincha olib chiqayotgan qonunbuzarlarga nisbatan tizimli ravishda kurash olib borilmoqda.
Xususan, Xorazm viloyati bojxona boshqarmasi “Urganch aeroporti” chegara bojxona postida “qizil” yo`lak orqali mamlakatimizdan xorijiy davlatga chiqib ketayotgan fuqaro M.A.ning xatti-harakatlari bojxonachilar e`tiborini tortdi va ushbu shaxs belgilangan tartibda bojxona nazoratidan o`tkazildi. Bu haqda Davlat bojxona qo`mitasi axborot xizmati xabar bermoqda
Natijada, ushbu shaxs belgilangan me`yorlardan ortiqcha bo`lgan 2100 AQSh dollari, 46 500 Rossiya rubli va 20 000 Qozoq tengesini bojxona nazoratidan yashirgan holda olib chiqishga uringani fosh bo`ldi.
Hozirda mazkur holat yuzasidan bojxona tekshiruvlari davom ettirilmoqda.
