Markaziy bank Boshqaruvining 2019 yil 19 oktyabrdagi qarori bilan qayta moliyalash stavkasi yillik 16 foiz darajasida o`zgarishsiz qoldirildi. Bu haqida Markaziy bank xabar berdi.
Mazkur qarorni qabul qilishda iqtisodiyotda inflyasiya va inflyasion kutilmalar dinamikasining saqlanib qolishi, bir martalik inflyasion shoklarning yuzaga kelishi sharoitida foiz stavkalarini yanada oshirishda xorijiy valyutadagi kreditlar o`sishi hamda kredit bozorida segmentasiyaning kuchayishi borasidagi ayrim xavotirlarning mavjudligi va tijorat banklari moliyaviy barqarorligini ta`minlash vazifalarini inobatga olib, ehtiyotkorona yondashuvni qo`llash zaruriyatidan kelib chiqildi.
