Buyuk Britaniyaning nufuzli Global Markets nashri (“Euromoney Institutional Investor”ning qismi) Jamshid Qo`chqorovni " Markaziy va Sharqiy Evropa mintaqasi bo`yicha, shu jumladan MDHda 2019 - yilning eng yaxshi Moliya vaziri" deb e`tirof etdi.
Ushbu nashr tahririyati O`zbekiston Respublikasi iqtisodiyotini liberallashtirishda, Prezident Shavkat Mirziyoev rahbarligida yurtimiz iqtisodiy hayotida amalga oshirilayotgan islohotlarni, xususan: valyuta bozorini liberallashtirishni, soliq sohasidagi islohotlarni, savdo cheklovlarini engillashtirishni va davlat suveren obligasiyalarning emissiyasini samarali o`tkazishda erishilgan katta yutuqlarni yuqori baholadi.
