Буюк Британиянинг нуфузли Global Markets нашри (“Euromoney Institutional Investor”нинг қисми) Жамшид Қўчқоровни " Марказий ва Шарқий Европа минтақаси бўйича, шу жумладан МДҲда 2019 - йилнинг энг яхши Молия вазири" деб эътироф этди.
Ушбу нашр таҳририяти Ўзбекистон Республикаси иқтисодиётини либераллаштиришда, Президент Шавкат Мирзиёев раҳбарлигида юртимиз иқтисодий ҳаётида амалга оширилаётган ислоҳотларни, хусусан: валюта бозорини либераллаштиришни, солиқ соҳасидаги ислоҳотларни, савдо чекловларини енгиллаштиришни ва давлат суверен облигацияларнинг эмиссиясини самарали ўтказишда эришилган катта ютуқларни юқори баҳолади.
