2019 yil 21 oktyabr kuni Bosh prokuratura Akademiyasi binosida «Prokuratura organlarining ommaviy axborot vositalari bilan aloqalarini yanada rivojlantirish istiqbollari» mavzusida davra suhbati bo`lib o`tdi.
Tadbirda O`zbekiston Respublikasi Prezidenti Administrasiyasi huzuridagi Axborot va ommaviy kommunikasiyalar agentligi mas`ul xodimi, Harbiy prokuratura, Bosh prokuratura huzuridagi Departamenti, MIB, IIV va Davlat bojxona qo`mitasi matbuot xizmatlari rahbarlari va xodimlari, Jurnalistika va ommaviy kommunikasiyalar universiteti o`qituvchilari, Bosh prokuratura Akademiyasi tinglovchilari hamda ommaviy axborot vositalari vakillari ishtirok etishdi.
Mazkur davra suhbatida prokuratura va boshqa huquqni muhofaza qiluvchi organlarning jamoatchilik hamda ommaviy axborot vositalari bilan aloqalarni samarali yo`lga qo`yish, faoliyatda shaffoflik va ochiqlikni ta`minlash, axborot olish erkinligini ta`minlash borasida amalga oshirilgan ishlar, erishilgan yutuqlar va kamchiliklar, davlat idoralari xodimlari va jurnalistlarning kasb etikasiga rioya etishlaridagi mas`uliyatini oshirish, shuningdek, kelgusida ushbu sohani yanada takomillashtirishga doir masalalar muhokama qilindi.