19 noyabr kuni Jahon Chempionati-2022 saralash bosqichi doirasida “Paxtakor” stadionida Falastin va O`zbekiston terma jamoalari o`rtasida futbol o`yini bo`lib o`tadi. Uchrashuv 17.00 da boshlanadi.
Toshkent shahar Ichki ishlar Bosh boshqarmasi futbolga tashrif buyuruvchilarga murojaat bilan chiqdi:
“Barcha futbol muxlislaridan chiptalarni oldindan xarid qilishlarini va o`yinga boshlanishidan bir soat oldin kelishni iltimos qilamiz.
Shaxsiy avtomobilni uyda qoldirib, taksi yoki jamoat transportidan foydalanishni tavsiya etamiz.
Agar o`z avtomobilingizda kelmoqchi bo`langiz, uni Islom Karimov, Olmazor va Navoiy ko`chalari chetida qoldirmasdan, “Xumo Arena” muz kompleksini ko`p qavatli avtoturargohida qoldiring.
Shuningdek sizdan navbat bilan stadionga kirishni, tartibsizlik qilmaslikni hamda sumka va shaxsiy buyumlarni tekshirish qoidalariga rioya qilishingizni so`raymiz.
Navbatda turganingizda, sizdan oldin turgan odamlar stadionga kirishlarini kutib turing. Atrofdagilarni hamda jamoat tartibini va sizning xavfsizligingizni ta`minlovchi huquqni muhofaza qiluvchi organlar xodimlarini hurmat qiling.
Shuningdek o`zingiz bilan ichimliklar, kungaboqar pistalarini, shirinliklar olib kelmaslikni iltimos qilgan bo`lardik, ammo olib kelgan taqdiringizda ham, ulardan qolgan chiqindilarni stadion o`rindiqlarida qoldirmang.
O`zgalar mehnatini hurmat qiling!”
