28-noyabr kuni internet tarmog`ida tarqalgan videoda muallif Chilonzor tumanidagi masjid yonida tilanchilik qilayotgan ayolga yordam berishga chaqirgan edi. Toshkent shahar IIBB ushbu holatni tezkor nazoratga olinganini ma`lum qildi.
Unga ko`ra, xabar paydo bo`lgan kunning o`zida Chilonzor tumani IIO FMB xodimlari masjid tomon yo`l olishdi. Sovuqotib qolgan ayolni eng yaqin mahalla fuqarolar yig`ini – «Yakkabog`» mahallasiga keltirdilar va issiq choy berib, uning kimligi, qaerdan kelganligi va qanday yordamga muhtojligi haqida so`radilar. Ayolning gaplariga qaraganda, uning ismi Parida-opa, yoshi 76 da, Jizzax viloyatida tug`ilgan. Uning uyi yong`in oqibatida qulab tushgach, u farzandlari va nevaralari bilan Toshkentga ko`chib kelgan. Poytaxtda ular ijaradagi xonadonda yashashadi, farzandlari ishsiz, oila og`ir moliyaviy ahvolda qolganligi sababli u har kuni masjid yonida tilanchilik qilishga majbur bo`layapti.
IIO FMBning ayollar masalalari bo`yicha xodimalari Parida-opani Ayollarni reabilitasiya qilish va moslashtirish markaziga vaqtinchalik joylab, jizzaxlik hamkasblari bilan bog`lanishdi. Olib borilgan ishlar davomida ma`lumotlarning bir qismi tasdiqlandi: Parida K. 1943 yilda Jizzax viloyati Do`stlik tumanida tug`ilgan, hozirda u erda qizi M.J. istiqomat qiladi. 3-dekabr kuni fuqaroga yordam ko`rsatish bo`yicha ishlarni Jizzax viloyati Do`stlik tumani IIB o`z bo`yniga oldi.
Parida K.ning yashash sharoiti o`rganilgach, uning oilaviy sharoiti yaxshi emasligi ma`lum bo`ldi: farzandlari uni parvarish qilmaydilar, ba`zi sharoitlar sababli har doim ham onasidan xabar olish imkoniyatlari yo`q. Uysiz qolganliklari sababli oilaviy holat yanada qiyinlashgan. Hozirgi vaqtda Parida-opa qizi M.J.ning qarovida. Jizzaxlik hamkasblarimiz ma`lum qilishlaricha, Parida-opaga yordam ko`rsatish ishlarida Do`stlik tumani hokimi o`rinbosari G. Xolmurodov, ushbu tuman «Chinobod» MFY raisi M. Saidov va ayollar masalalari bo`yicha profilaktika inspektori leytenant N. Rasulova ishtirok etishmoqda. Parida K.ning pensiya ta`minoti va stasionar davolanishga joylash masalasi hal qilinmoqda.
22.04.2024, 15:52
Toshkent shahrida ijara narxlari pasayishda davom etmoqda. Bu haqda Makroiqtisodiy va hududiy tadqiqotlar instituti mutaxassislari ma`lum qildi. 2024 yil mart oyida fevralga nisbatan poytaxtda o`rtacha ta`mirlangan xonadonlar ijara...17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...06.09.2023, 10:12
Kecha, 4 sentyabr kuni Toshkent shahri Mirzo Ulug`bek tumanida noma`lum shaxs pod`ezdga kirib ketayotgan qizga hujum qilgani haqida xabar qilingan edi. Ayni paytda Toshkent shahar IIB...