O`zbekiston Respublikasi Tashqi ishlar vazirligi Yaqin Sharqda yuz berayotgan voqealar yuzasidan bayonot berdi.
O`zbekistonda Markaziy Osiyoga bevosita tutash Yaqin Sharqda yuz berayotgan voqealar alohida tashvish bilan qarshi olinmoqda.
Harbiy-siyosiy holatning yanada keskinlashishi ko`plab insonlar qurbon bo`lishiga va keng ko`lamli gumanitar falokatga olib kelishi mumkin, hayotiy muhim iqtisodiy aloqalar va kommunikasiya yo`llarini vayron qiladi, mintaqaviy va global xavfsizlikka tuzatib bo`lmas zarar etkazadi.
O`zbekiston tomoni o`ta bosiqlik tarafdori bo`lib, taranglikni kamaytirish va mintaqadagi vaziyatni mo``tadillashtirish uchun qarama qarshi tomonlarni siyosiy-diplomatik choralar ko`rishga chaqiradi.
