O`zbekistonning Birinchi Prezidenti Islom Karimov 1938 yil 30 yanvar kuni Samarqandi viloyatida tug`ilgan. Bugun Birinchi Prezidentimizning 81 yilligi nishonlanmoqda.
Ulug` insonning oilaviy tarixi
Islom Karimovning oilasida 8 farzand bo`lgan. Ularning eng kattasi Mehriniso Karimova hozir 98 yoshda.
Otalari: Abdug`ani Karimov, 1894 yilda tug`ilgan. Onalari: Sanobar Karimova 1902 yilda tug`ilgan.
Aka-ukalari: Mehriniso Karimova, Omonulla Karimov, Ibodulla Karimov, Islom Karimov, Xurshid Karimov, Ikrom Karimov, Quddus Karimov, Arslon Karimov.
Rafiqasi: Tatyana Karimova
Farzandlari: Petr Karimov (Nataliya Kuchmi - onasi), Gulnora Karimova, Lola Karimova (Timur Tillaev - turmush o`rtog`i),
Nevaralari: kichik Islom Karimov, Imon Karimova, Maryam Tillaeva, Umar Tillaev, Safiya Tillaeva.
Tarixga muhrlangan buyuk faoliyat
Islom Karimov mehnat faoliyatini 1960 yilda Toshkent qishloq xo`jaligi mashinasozligi zavodida master yordamchiligidan boshlagan.
So`ng mazkur korxonada master, texnolog, 1961 yildan 1966 yilgacha V.P.Chkalov nomidagi Toshkent aviasiya ishlab chiqarish birlashmasida muhandis, etakchi muhandis-konstruktorlikda davom ettirgan.
1966 yilda O`zbekiston Davlat plan komitetiga ishga o`tib, bosh mutaxassislikdan respublika Davlat plan komiteti raisining birinchi o`rinbosarigacha lavozimlarda ishlagan.
1983 yildan O`zbekiston SSR Moliya vaziri, 1986 yildan O`zbekiston SSR Ministrlar Soveti raisining o`rinbosari — Respublika Davlat plan komitetining raisi bo`lgan. 1986-89 yillarda O`zbekiston KP Qashqadaryo viloyat komitetining birinchi kotibi, 1989 yilning iyunidan boshlab O`zbekiston Kompartiyasi Markaziy Komitetining birinchi kotibi lavozimlarida ishlagan.
1990 yil 24 mart kuni O`zbekiston SSR oliy kengashining sessiyasida Islom Karimov O`zbekiston SSR prezidenti etib saylangan.
1991 yil 31 avgust kuni Islom Karimov tarixiy voqea — O`zbekistonning davlat mustaqilligini e`lon qilgan.
1995 yil 26 martda muqobillik asosida o`tkazilgan umumxalq referendumi yakunlariga ko`ra, Islom Karimovning prezidentlik vakolati 2000 yilga qadar uzaytirilgan.
O`zbek xalqini qayg`uga solgan mudhish sana
2016 yil 2 sentyab — o`zbek xalqi uchun eng og`ir va mudhish kun sifatida yodda qoldi.
O`zbekiston mustaqilligining asoschisi Islom Abdug`anievich Karimov Istiqlolimizning 25 yillik tuyi arafasida og`ir xastalikka chalinib, bexosdan vafot etdi.
Ushbu kun nafaqat O`zbekiston, balki butun dunyo motamga cho`mdi. Dunyoning qator mamlakatlaridan davlat arbobining ta`ziyasiga ishtirok etish uchun davlatlar rahbarlari tashrif buyurdi. Kuba davlati esa Islom Karimov vafoti munosabati bilan o`z mamlakatida motam kuni e`lon qildi.
Islom Karimov vafotidan so`ng uning yorqin xotirasi abadiylashtirildi.
2017 yil 25 yanvar kuni O`zbekiston Respublikasining Birinchi Prezidenti Islom Abdug`anievich Karimovning xotirasini abadiylashtirish to`g`risida O`zbekiston Respublikasi Prezidentining Qarori e`lon qilindi. Hujjat bilan:
Islom Karimov nomidagi Respublika xayriya jamoat fondi tuzildi.
Toshkent shahar, Yashnobod tumanining Farg`ona yo`li ko`chasida joylashgan jome masjidga "Islom ota jome masjidi" deb nom berildi.
Buyuk davlat va siyosat arbobi, O`zbekiston Respublikasining Birinchi Prezidenti Islom Abdug`anievich Karimov siymosi tasvirlangan haykalni yaratish bo`yicha xalqaro ijodiy tanlovni tashkil etildi.
Samarqand shahrida Islom Karimov dafn etilgan hududda yodgorlik majmuasini barpo etildi.
O`zbekiston Respublikasining Birinchi Prezidenti Islom Abdug`anievich Karimov siymosini yaratish bo`yicha xalqaro ijodiy tanlovda g`olib deb topilgan haykallar mamlakatimiz poytaxti Toshkent shahrida, Islom Karimov tug`ilib o`sgan Samarqand shahrida va u kishi birinchi rahbar bo`lib ishlagan Qashqadaryo viloyatining Qarshi shahrida o`rnatildi.
Birinchi Prezidentimiz ko`p yillar davomida faoliyat olib borgan Toshkent shahridagi Oqsaroy qarorgohida (O`zbekiston ko`chasi, 45) Islom Karimov nomidagi ilmiy-ma`rifiy yodgorlik majmuasi tashkil etildi.
Samarqand shahrida Islom Karimov muzeyi tashkil etildi.
Toshkent davlat texnika universitetiga;
Asaka shahridagi avtomobil zavodiga;
Farg`ona shahridagi San`at saroyiga;
Toshkent xalqaro aeroportiga;
Qoraqalpog`iston Respublikasi, Toshkent shahri va viloyatlardagi markaziy ko`chalarga (mahalliy davlat hokimiyati organlari takliflari asosida) Islom Karimov nomi berildi.
