— 2014 yil opam o`z nomiga o`sha vaqtdagi MFY raisi A.Akilov tomonidan 5000 dollarga bir xonali uy sotib olgan. Barcha xarajatlar, hujjatlar to`plash uchun yugur-yugurlarni men amalga oshirganman. Chunkiu uyda bolalarim bilan yashash niyatida edim. Lekin bir ayol uyning egasi bo`lib chiqib qoldi. Sudlarning ajrimi bo`yicha ikki nafar voyaga etmagan bolalarim bilan yashab turgan xonadon o`sha ayolga berildi. 2019 yil 24 sentyabrda JIB Ohangaron shahar sudida sud bo`lib o`tdi. “Javobgarlikka tortish muddati o`tdi”, deya A.Akilovni javobgarlikdan ozod etdi. Oliy sudga shikoyat arizasi, apellyasiya va kassasiya ariza bilan shikoyat qilishga haqliman. Lekin huquqlarim muntazam ravishda poymol etilyapti. Natijada ikki nafar bolambilan ko`chada, uysiz qoldim...
M.Turabboeva, Toshkent viloyati Ohangaron tumani
“AVVALO IMZO, SO`NG BOJ VA POChTA TO`LOV PATTASI HAMDA ASOSLI ILTIMOSNOMA BO`LSIN”
Navro`z RAXMANOV, Oliy sud sudyasi:
— Aniqlanishicha, FIB Toshkent viloyat sudi kassasiya instan- siyasining 2018 yil22 iyundagi ajrimi bilan Bekobod tumanlararo sudining 2018 yil 18 yanvardagi hal qiluv qarori qisman bekor qilindi. Da`vogar A.Aymetdinovaning sizni oila-a`zolaringiz bilan Ohangaron tumani, “Umid” MFY, 2-daha 1-uydagi xonadondan majburiy tartibda ko`chirib chiqarish va foydalanish huquqlarini yo`qotgan, deb topish haqidagi da`vo talablari qanoatlantirilgan.
FPKning 373, 422-moddalariga ko`ra, ishda ishtirok etuvchi shaxslar sud hujjatlari ustidan nazorat tartibida shikoyat keltirishga haqli. Shuningdek, ushbu Kodeksning 427-moddasiga ko`ra, nazorat tartibidagi shikoyatga davlat boji va pochta harajatlari to`langanini tasdiqlovchi hujjat ilova qilinishi talab etiladi.
Ushbu tartibga rioya etilgan holda berilgan shikoyatlar tegishlicha nazorat tartibida mazmunan ko`rib chiqiladi. Ammo sizning Oliy sudga kiritgan nazorat tartibidagi shikoyat arizangiz imzolanmagan. Bundan tashqari, sud qarorlari ustidan shikoyat keltirish uchun belgilangan bir yillik muddatni ham o`tkazib yuborgansiz.
Shu bois, Vazirlar Mahkamasining 1994 yil 3 noyabrdagi 533-sonli qarori bilan tasdiqlangan “Davlat boji stavkalari haqida”gi 1-bandiga muvofiq davlat boji va pochta xarajatlarini to`lab, to`lov pattasini asl nusxasini ilova qilgan holda hamda shikoyat keltirish uchun belgilangan muddatni uzrli deb hisoblashga asosli iltimosnoma bilan birga Oliy sudga nazorat tartibida murojaat qilish huquqiga egasiz
Sadoqat ALLABERGANOVA
