Darslar 2 sentyabrdan boshlanishi haqidagi ijtimoiy tarmoqlarda tarqalgan asossiz xabarlarni Oliy va o`rta maxsus ta`lim vazirligi rad etdi.
«Talabalar o`quv yilining 2-yarmini onlayn tarzda o`zlashtirib boradi va o`quv dasturlari tugagandan keyin onlayn test orqali o`quv yilining 2-yarmi uchun baholanadi», deyilgan norasmiy xabarda.
Oliy va o`rta maxsus ta`lim vazirligi bu xabarning asossiz ekanini e`lon qilmoqda.
«Talabalarning oliy ta`lim muassasalariga qaytishi Respublika Maxsus komissiyasi qaroriga muvofiq, mamlakatimizdagi karantin holatining bekor qilinishiga bog`liq», – deyiladi rasmiy bildirishda.
Eslatib o`tamiz, O`zbekistonda koronavirus tarqalishining oldini olish maqsadida, barcha ta`lim muassasalarida darslar 16 martdan boshlab to`xtatilgan.
