Toshkent shahar hokimligi matbuot kotibi bildirishicha 9 aprelda ob-havo yanada o`zgarishi, kuchli shamol bo`lishi kutilmoqda. Shu sababli fuqarolardan ko`chaga chiqmaslik, har xil baxtsiz hodisalarning oldini olish uchun ogohlikni oshirish so`ralmoqda.
Shamolning tezligi 28 m.s.gacha bo`lishi aytilmoqda. Bunday tezlikdagi shamolda ayniqsa yomg`irdan so`ng tuproq yumshashi, shu bois daraxtlar ildizidan uzilishi xavfi bor.
Shuningdek havo harorati ilkis tushib ketishi, ayrim joylarda -5 daraja sovuq bo`lishi qayd etilgan. Shuning uchun FVV aholidan barcha kommunal tizimlarning foydalanishga yaroqli holda bo`lishini nazorat qilishni so`raydi.
Bundan tashqari ko`chalardagi reklama ustunlari, qurilish kranlari va boshqa texnikalar ham kuchli bo`ron paytida fuqarolar va mol-hol, ko`chmas mulk uchun xavf tug`dirishi mumkin.
Agarda ob-havo o`zgarishi bilan bog`liq kutilmagan vaziyatlar bo`lsa 101, 1050, (71) 2126982, (71) 212 6984 telefonlariga murojaat qilish so`raladi.
