O`zbekiston Respublikasi Moliya vazirligi huzuridagi byudjetdan tashqari Pensiya jamg`armasi ijro etuvchi apparati tomonidan joriy yilning aprel oyi pensiya va nafaqa to`lovlari uchun talab qilingan mablag`lar 2020 yil 8 aprel sanasiga qadar to`liq moliyalashtirildi.
Shuningdek, ishlovchi fuqarolarga pensiya va nafaqa to`lovlari uchun mablag`lar korxona va tashkilotlarning talabnomalariga asosan 13 aprelgacha moliyalashtirib berildi.
Koronavirus infeksiyasi tarqalishiga qarshi kurashish maqsadida Respublika maxsus komissiyasi tavsiyasiga asosan aholiga ish haqi va pensiya to`lovlarini ustuvor ravishda bosqichma-bosqich bank kartalari orqali amalga oshirish choralari ko`rilmoqda.
