Hozirda O`zR FA Bioorganik kimyo instituti tomonidan yaratilgan “Rutan” preparatini “China-Uzbekistan medicine technical park” XK MChJ da ishlab chiqarishni yo`lga qo`yish maqsadida lisenzion shartnoma rasmiylashtirildi. Bu haqda O`zbekiston Respublikasi Fanlar Akademiyasi xabar bermoqda.
Shuningdek, institutda o`tkir respirator infeksion kasalliklarga qarshi ishlab chiqilgan 30 ta yangi biologik faol birikmalarni COVID-19 virusiga qarshi ta`sirini sinovdan o`tkazish maqsadida Shanxay tibbiy materiya institutiga etkazib berilgan.
Hozirda ushbu birikmalarni COVID-19 virusiga qarshi ta`siri Shanxay tibbiy materiya instituti xodimlari tomonidan skrining qilinmoqda.
