my5
all

Saida Mirziyoeva: "Oyim bilan Sirdaryoga bordik, u erda ajoyib bir voqea bo`ldi" (foto)

Jamiyat 22.05.2020, 03:45
4961
Saida Mirziyoeva: "Oyim bilan Sirdaryoga bordik, u erda ajoyib bir voqea bo`ldi" (foto)

Prezident Shavkat Mirziyoevning turmush o`rtog`i Ziroatxon Hoshimova hamda uning to`ng`ich qizi, Milliy mass-mediani qo`llab-quvvatlash va rivojlantirish jamoat fondi Vasiylik kengashi raisi o`rinbosari Saida Mirziyoeva Sirdaryo viloyatiga borishdi.

 

Bu haqda Saida Mirziyoeva o`zining ijtimoiy tarmoqdagi sahifasi orqali ma`lum qildi:

"Oyimlar bilan Hayit bayrami arafasida Sirdaryo viloyatiga odamlarning holidan xabar olgani bordik. Shunda ajoyib bir voqea bo`ldi.  

6-7 yoshlardagi bolakay bilan suhbatlashyapmiz. “Nima bo`ldi o`zi, nima qildinglar o`sha payt?” − deb savolga tutdim. "Ertalab vaqtli uyg`onib ketdik. Qarasak, hamma yuguryapti, biz ham dadam bilan ko`chaga yugurdik”, – deydi. Shu payt jajji, shiringina singilchasi gapga qo`shildi, deng. Nigina ekan ismi. “Mening oq ayiqcham bor-ku, o`sha uyda qolgan ekan, - deydi ko`zlarini katta-katta ochib, - Men uni cho`kib ketdi deb o`ylab, rosa xafa bo`ldim. Keyin dadam yo`q bo`lib qoldilar. Qidirib-qidirib, o`yinchog`imni topib keldilar. Ayiqcham qaytib keldi! Hozir uxlab yotibdi”.  

Juda ta`sirlanib ketdim. Tasavvur qilyapsizmi?! Odamlarning ko`ziga hech nima ko`rinmay, har tomonga o`zini urgan bir paytda Niginaning dadasi farzandim o`ksib qolmasin deb, ortiga qaytgan", — o`z kechinmalari bilan bo`lishgan u.

 

Шарҳлар