Bosh prokuratura “Sardoba” suv ombori bilan bog`liq jinoyat ishi yuzasidan rasmiy bayonot berdi. Unga ko`ra, Sirdaryo viloyatidagi “Sardoba” suv ombori bilan bog`liq jinoyat ishi yuzasidan tergov harakatlari olib borilmoqda.
Hozirda jinoyat ishi bo`yicha 2 nafar shaxs gumonlanuvchi tariqasida ishga jalb qilinib, ularga nisbatan "qamoqqa olish" ehtiyot chorasi qo`llanildi.
Ish bo`yicha haqiqatni aniqlashga to`sqinlik qilish holatlarining oldini olish maqsadida boshqa tafsilotlar oshkor qilinmaydi.
Tergov harakatlari davom etmoqda, deyiladi rasmiy xabarda