Ijtimoiy tarmoqlarda “Ohangaronda "Spark" avtomobili ko`lga tushib ketibdi” sarlavhasi ostida video lavha tarqatildi.
Toshkent viloyati IIBB YHXB mas`ul xodimlari tomonidan ushbu holatga oydinlik kiritildi.
Hodisa joriy yilning 25 may kuni soat 12:30 larda, Toshkent viloyatining Ohangaron shahri, Oxunboboev ko`chasida sodir bo`lgan. Surishtiruv davomida aniqlanishicha, haydovchi, 1971 y.t. M.H. (ayol) o`ziga tegishli bo`lgan “Spark” rusumli transport vositasida shaharning Oxunboboev ko`chasi bo`ylab harakatlanayotgan vaqtida rul boshqaruvini yo`qotgan va avtomobil ariqqa tushib ketgan.
Ushbu hodisada tan jarohati olganlar yo`q. Transport vositasi ariqdan chiqarilgan.
Mazkur holat yuzasidan Oxangaron shahar IIB YHXB tomonidan surishtiruv ishlari olib borilmoqda.
