Nega bizning respublikamizda kasallik engil o`tayapdi? Qariyb 80% bemor kasallikdan tuzalayotganini sababi nimada?
Ushbu savolga bugun AOKA shtabida o`tkazilgan brifingda ishtirok etgan Bosh davlat sanitariya inspektori Nurmat Otabekov quyidagicha javob berdi:
"- Koronavirus infeksiyasi asosan 80% holatda engil kechadi, 15% holatda o`rta og`irlikda va faqat 3-5% holatda og`ir, ya`ni nafas etishmovchiligi bilan kechadi.
Kasallikga chalinganlarni erta aniqlash ishlarining yo`lga qo`yilganligi kasallik kechishida ijobiy natijalarga erishish imkonini beryapti.
Biroq virusning kultural, morfologik, antigen, serologik xususiyatlari, virulentligi, patogenligi kabi masalalar hali ko`plab o`rganiladi. Shuning uchun aniq biror to`xtamga kelishga hali erta."
