“O`zbekneftgaz” AJga qarashli Sho`rtan neft va gaz qazib chiqarish boshqarmasi “Oydin” konidagi 11-sonli quduqda “O`zneftgazquduqta`mirlash” AJ mutaxassislari tomonidan to`la ta`mirlash ishlari olib borildi, deya xabar bermoqda “O`zbekneftgaz” AJ Matbuot xizmati.
Ushbu quduqda 2760-2699 m oraliqqa sement ko`prigi o`rnatilib, suv yo`llarini to`sish ishlari amalga oshirilib, quduqga 2616-2699 m intervallar oralig`iga filtr tushirildi.
Natijada quduqdan kunlik 50 ming kub metr sanoat miqyosida tabiiy gaz va 1 tonna gaz kondensati qazib chiqarilishiga erishildi, deyiladi jamiyat xabarida.