Monopoliyaga qarshi kurashish qo`mitasi raqobat muhitiga salbiy ta`sir ko`rsatadigan tadbirkorlik sub`ektlariga beriladigan eksklyuziv huquqlar, imtiyozlar, individual soliq va bojxona imtiyozlarini bekor qilish to`g`risidagi O`zbekiston Respublikasi Prezidentining Farmoni loyihalarini ishlab chiqdi. Bu haqda qo`mita axborot xizmati xabar bermoqda.
Loyihalarda «O`zmetkombinat» AJning qora metallarni, “O`zavtorsvetmet” AJning rangli metallarni, «Davlat belgisi» DUKning turli xil qog`oz mahsulotlarini ishlab chiqarishidagi monopol holati va eksklyuziv huquqlarini, “O`zstandart” Agentligiga tegishli o`lchov vositalarini tekshirish va shtrix-kodlarni berish bo`yicha korxonalari kabi monopoliyalarni bekor qilish ko`zda tutilgan. Bundan tashqari muayyan sohalarda loyihalash ishlari uchun individual dizayn institutlari, alohida davlat idoralariga xizmat ko`rsatadigan individual sug`urta kompaniyalari monopol holati bekor qilinishi ko`zda tutilgan.
Shuningdek, biznes uchun teng bo`lmagan shart-sharoitlarni, xususan, «O`zbekipaksanoat», «O`zyog`moysanoat», «O`zeltexsanoat», «Parrandasanoat», «O`zbekistonasalarichilari», kartoshka ishlab chiqaruvchilar, «O`zcharmsanoat» kabi turli birlashmalar a`zolariga, “Xalq bank”, “Mikrokreditbank”, “Agroeksportbank” tijorat banklari, individual paxta va to`qimachilik klasterlarga beriladigan imtiyoz va preferensiyalarini bekor bo`lishi ko`zda tutilgan.
Ushbu ro`yxatni to`ldirish uchun aholidan takliflarni kutib qolamiz, deyiladi xabarda.
