25

ЎЗбекистонда қатор ташкилотларнинг монопол ҳуқуқ ва имтиёзлари бекор қилиниши мумкин

ИҚТИСОДИЁТ 02.07.2020, 12:25
626
ЎЗбекистонда  қатор ташкилотларнинг монопол ҳуқуқ ва имтиёзлари бекор қилиниши мумкин

Монополияга қарши курашиш қўмитаси рақобат муҳитига салбий таъсир кўрсатадиган тадбиркорлик субъектларига бериладиган эксклюзив ҳуқуқлар, имтиёзлар, индивидуал солиқ ва божхона имтиёзларини бекор қилиш тўғрисидаги Ўзбекистон Республикаси Президентининг Фармони  лойиҳаларини ишлаб чиқди. Бу ҳақда қўмита ахборот хизмати хабар бермоқда.

Лойиҳаларда «Ўзметкомбинат» AЖнинг қора металларни, “Ўзавторсветмет” AЖнинг рангли металларни, «Давлат белгиси» ДУКнинг турли хил қоғоз маҳсулотларини ишлаб чиқаришидаги монопол ҳолати ва эксклюзив ҳуқуқларини, “Ўзстандарт” Aгентлигига тегишли ўлчов воситаларини текшириш ва штрих-кодларни бериш бўйича корхоналари каби монополияларни бекор қилиш кўзда тутилган. Бундан ташқари муайян соҳаларда лойиҳалаш ишлари учун индивидуал дизайн институтлари, алоҳида давлат идораларига хизмат кўрсатадиган индивидуал суғурта компаниялари монопол ҳолати бекор қилиниши кўзда тутилган.

Шунингдек, бизнес учун тенг бўлмаган шарт-шароитларни, хусусан, «Ўзбекипаксаноат», «Ўзёғмойсаноат», «Ўзэлтехсаноат», «Паррандасаноат», «Ўзбекистонасаларичилари», картошка ишлаб чиқарувчилар, «Ўзчармсаноат» каби турли бирлашмалар аъзоларига, “Халқ банк”, “Микрокредитбанк”, “Aгроэкспортбанк” тижорат банклари, индивидуал пахта ва тўқимачилик кластерларга бериладиган имтиёз ва преференцияларини бекор бўлиши кўзда тутилган.

Ушбу рўйхатни тўлдириш учун аҳолидан таклифларни кутиб қоламиз, дейилади хабарда.

Шарҳлар

Кун мавзуси: коронавирус
Об-ҳаво: Ташкент
+28° ясно
Валюта курси
10209.86
USD 2.17
12021.09
EUR 125.05
137.46
RUB -4.91