Chevrolet Cobalt автомобилининг янгича кўриниши тақдимотида Рио-де-Жанейро шаҳрида бўлиб ўтди. Бу ҳақда “kolesa.ru” хабар бермоқда.
Автомобилнинг ташқи кўриниши сезиларли даражада ўзгарди: олдинги ва орқа ёритгичлари анча торайди, радиатор панжараси шакли ҳам ўзгача бўлди. Умуман олганда, автомобилнинг ташқи кўриниши анча силлиқлашди.
Автомобиль салонидаги асосий янгилик- унинг iOS ва Android смартфонлари билан ишлай оладиган MyLink мультимедия тизими билан жиҳозланганида дейиш мумкин.
Chevrolet Cobalt`нинг люкс варианти эса тоза чармли салон, орқани кўрсатувчи камера, ёруғлик ва ёмғир датчиклари билан таъминланиши кўзда тутилган.
Автомобилнинг “юраги” 1,8 литр ҳажмли ва 108 от кучига тенг мотор ҳисобланади.
Янги Cobalt Ўзбекистонда ишлаб чиқарилиши ҳозирча номаълум. Бироқ янги автомобиль яқин кунларда Россияда сотувга чиқарилиши мумкин.
Бундан олдин эса АҚШда Spark автомобилининг янги авлоди намойиш этилган эди.
