iPhone 7 эканлиги тахмин қилинаётган смартфон акс эттирилган видеотасвирлар Хитойдаги QQ интернет порталида тарқалди, деб хабар беради “Lenta.ru”.
Кадрда аппаратни ушлаб турган кишининг қўли кўринган. Унда қурилма корпуси яхлит ҳолда металдан ишланганини кўриш мумкин. Аппаратнигг устки томонида ортга қайтиш тугмаси ва дисплей атрофини ўраб турувчи гардиш ўрнатилмаган. Олд камера эса смартфоннинг чап тепа қисмида эмас, марказида жойлашган.
Қатор хорижий ОАВлари видеотасвирнинг ҳақиқийлигига шубҳаланмоқда. Сабаби, видеотасвир охирида кимдир муаллиф исмини айтиб чақиради, у эса тезлик билан смартфонни яширади. Журналистларнинг фикрича, агар бу тасвир ростдан ҳам iPhone 7`ники бўлганида, компания вакиллари видеотасвирни йўқ қилган бўлар эди.
1 декабрь куни Apple компанияси iPhone 7 смартфонининг бир нечта модели ни синовдан ўтказаётгани ҳақида маълумот берилган эди.
