Дональд Трампнинг 2025 йилда бошланган иккинчи президентлик муддати давомида камида 77 та суд қарорида унинг маъмурияти кескин танқид қилинган. Қарорлар 69 нафар федерал судья томонидан чиқарилган бўлиб, улар орасида Трампнинг ўзи тайинлаган 11 нафар судья ҳам бор. Бу ҳақда СNN маълум қилди.
Судьяларнинг асосий эътирозлари ҳокимият ваколатларидан суиистеъмол қилиш, ноқонуний депортациялар, сўз эркинлигига таҳдид ва сиёсий босим билан боғлиқ ҳолатларга қаратилган. Таҳлилга кўра, танқидларнинг 35 таси иммиграция сиёсати билан боғлиқ ишлар бўйича билдирилган.
Жоржтаун университети Сиёсий маркази таҳлилчиси Стив Владек фикрича, суд тизимининг танқидлари фақат бир сиёсий қанотга хос эмас, чунки қарорлар демократлар ва республикачилар тайинлаган судьялар томонидан чиқарилган.
Айни пайтда Оқ уй танқидларни рад этмоқда. Иккинчи давр бошланганидан буён президент фармонлари ва бошқа қарорлар юзасидан 800 дан ортиқ даъво аризаси берилган.
At least 77 court rulings concerning Trump’s second term include sharp criticism from judges - CNN
