iPhone 7 ekanligi taxmin qilinayotgan smartfon aks ettirilgan videotasvirlar Xitoydagi QQ internet portalida tarqaldi, deb xabar beradi “Lenta.ru”.
Kadrda apparatni ushlab turgan kishining qo`li ko`ringan. Unda qurilma korpusi yaxlit holda metaldan ishlanganini ko`rish mumkin. Apparatnigg ustki tomonida ortga qaytish tugmasi va displey atrofini o`rab turuvchi gardish o`rnatilmagan. Old kamera esa smartfonning chap tepa qismida emas, markazida joylashgan.
Qator xorijiy OAVlari videotasvirning haqiqiyligiga shubhalanmoqda. Sababi, videotasvir oxirida kimdir muallif ismini aytib chaqiradi, u esa tezlik bilan smartfonni yashiradi. Jurnalistlarning fikricha, agar bu tasvir rostdan ham iPhone 7`niki bo`lganida, kompaniya vakillari videotasvirni yo`q qilgan bo`lar edi.
1 dekabr kuni Apple kompaniyasi iPhone 7 smartfonining bir nechta modeli ni sinovdan o`tkazayotgani haqida ma`lumot berilgan edi.