Давлат божхона қўмитаси Тошкент шаҳар божхона бошқармасининг Контрабандага қарши курашиш ва божхона аудити бўлими ходимлари томонидан Давлат хавфсизлик хизмати чегара қўшинлари ҳарбий хизматчилари билан ҳамкорликда Тошкент шаҳрида ўтказилган тезкор тадбирда йирик миқдордаги қимматбаҳо тошлар ва қадимий тилла тангаларни Ўзбекистон Республикаси ҳудудига ноқонуний равишда олиб кириш ва сотиш фаолияти билан шуғулланиб келаётган жиноий гуруҳ фош этилди. Бу ҳақда қўмита матбуот хизмати хабар берди.
Тезкор тадбир давомида аввалдан кузатувга олинган 5 нафар фуқаролар Чилонзор туманидаги хонадонлардан бирида муқаддам Афғонистондан олиб келинган 2 кг. 531 гр. оғирликдаги “зумрад” қимматбаҳо тошларини 500 минг АҚШ долларига, шунингдек, 8 гр. оғирликдаги 1 дона қадимий тилла тангани 10 минг АҚШ долларига сотишаётган вақтида тўхтатиб қолинди.
Дастлабки ўрганишларга кўра, мазкур ҳолатда ноқонуний олди-сотдидан тўхтатиб қолинган тилла танга эрамизнинг III асрига мансуб бўлиб, Кушон давлатида зарб қилинган.
Шунингдек, ушбу шахслардан бирининг ҳамёнида 3 дона “олмос” тошлари борлиги ҳам аниқланди.
Ҳисоб-китобларга кўра мазкур ҳолатда олиб қўйилган қимматбаҳо тошлар ва қадимий тилла танганинг умумий қиймати жами 16 млрд. 818 млн. сўмни ташкил қилди.
Ҳозирда мазкур ҳолат бўйича жиноятга алоқадор бошқа шахсларни аниқлаш юзасидан терговга қадар текширув ҳаракатлари олиб борилмоқда.
16.12.2021, 23:56
Инвестициялар ва ташқи савдо вазирлиги Ўзбекистон Республикасидан Қозоғистон ва Россия давлатларига амалга оширилган экспорт кўрсаткичлари бўйича ушбу давлатлар статистика органларининг очиқ маълумотларида тафовутлар борлиги изоҳ...
13.10.2021, 19:57
Давлат бюджетининг асосий қисми солиқ тушумларидан иборат. Солиқ тушумлари орасида божхона тўловлари асосий ўринни эгаллайди. Шундай экан, божхона тизимини яхшилаш, экспорт ҳажмини ошириш ва бу...
22.09.2021, 19:50
Наманган вилояти божхона бошқармаси Контрабандага қарши курашиш ва божхона аудити бўлими ходимлари “Наманган” ташқи иқтисодий фаолият божхона пости ходимлари билан ўзаро ҳамкорликда хорижий мамлакатдан мазкур...
22.09.2021, 18:23
Фарғона вилояти божхона бошқармаси томонидан жорий йилнинг ўтган 8 ойи давомида жами қиймати 485 миллион долларлик товарлар экспорт божхона режимига расмийлаштирилди. Бу кўрсаткич ўтган 2020...
