Davlat bojxona qo`mitasi Toshkent shahar bojxona boshqarmasining Kontrabandaga qarshi kurashish va bojxona auditi bo`limi xodimlari tomonidan Davlat xavfsizlik xizmati chegara qo`shinlari harbiy xizmatchilari bilan hamkorlikda Toshkent shahrida o`tkazilgan tezkor tadbirda yirik miqdordagi qimmatbaho toshlar va qadimiy tilla tangalarni O`zbekiston Respublikasi hududiga noqonuniy ravishda olib kirish va sotish faoliyati bilan shug`ullanib kelayotgan jinoiy guruh fosh etildi. Bu haqda qo`mita matbuot xizmati xabar berdi.
Tezkor tadbir davomida avvaldan kuzatuvga olingan 5 nafar fuqarolar Chilonzor tumanidagi xonadonlardan birida muqaddam Afg`onistondan olib kelingan 2 kg. 531 gr. og`irlikdagi “zumrad” qimmatbaho toshlarini 500 ming AQSh dollariga, shuningdek, 8 gr. og`irlikdagi 1 dona qadimiy tilla tangani 10 ming AQSh dollariga sotishayotgan vaqtida to`xtatib qolindi.
Dastlabki o`rganishlarga ko`ra, mazkur holatda noqonuniy oldi-sotdidan to`xtatib qolingan tilla tanga eramizning III asriga mansub bo`lib, Kushon davlatida zarb qilingan.
Shuningdek, ushbu shaxslardan birining hamyonida 3 dona “olmos” toshlari borligi ham aniqlandi.
Hisob-kitoblarga ko`ra mazkur holatda olib qo`yilgan qimmatbaho toshlar va qadimiy tilla tanganing umumiy qiymati jami 16 mlrd. 818 mln. so`mni tashkil qildi.
Hozirda mazkur holat bo`yicha jinoyatga aloqador boshqa shaxslarni aniqlash yuzasidan tergovga qadar tekshiruv harakatlari olib borilmoqda.
16.12.2021, 23:56
Investisiyalar va tashqi savdo vazirligi O`zbekiston Respublikasidan Qozog`iston va Rossiya davlatlariga amalga oshirilgan eksport ko`rsatkichlari bo`yicha ushbu davlatlar statistika organlarining ochiq ma`lumotlarida tafovutlar borligi izoh...13.10.2021, 19:57
Davlat byudjetining asosiy qismi soliq tushumlaridan iborat. Soliq tushumlari orasida bojxona to`lovlari asosiy o`rinni egallaydi. Shunday ekan, bojxona tizimini yaxshilash, eksport hajmini oshirish va bu...22.09.2021, 19:50
Namangan viloyati bojxona boshqarmasi Kontrabandaga qarshi kurashish va bojxona auditi bo`limi xodimlari “Namangan” tashqi iqtisodiy faoliyat bojxona posti xodimlari bilan o`zaro hamkorlikda xorijiy mamlakatdan mazkur...22.09.2021, 18:23
Farg`ona viloyati bojxona boshqarmasi tomonidan joriy yilning o`tgan 8 oyi davomida jami qiymati 485 million dollarlik tovarlar eksport bojxona rejimiga rasmiylashtirildi. Bu ko`rsatkich o`tgan 2020...