Samsung компанияси май ойида Galaxy C бренди остида янги смартфонлар сериясини намойиш этиши мумкин. Бу ҳақда “Вести” хабар бермоқда.
Янги смартфонлар ингичка алюминийдан ишланган корпус билан таъминланади. Янги C серияси ҳақидаги маълумотлар илк марта ўтган ойда интернет нашрларида пайдо бўлган эди.
Маълумотларга кўра, янги Samsung SM-C5000 смартфони 5,2 дюймли экранга эга бўлади. Шунингдек, у 8 ядроли Qualcomm Snapdragon 617 процессорига, Adreno 405 графикасига ва 4 гегабайтли ички хотирага эга бўлади. Смартфон Android 6.0.1 тизимида ишлайди.
C5 смартфонидан ташқари яна бир C7 смартфони ҳам сотувга чиқарилади. Бироқ мазкур смартфон ҳақида ҳозирча маълумотлар мавжуд эмас.
