Ҳиндистон жанубидаги Керала штатида кўчки оқибатида камида 19 киши ҳаётдан кўз юмди. Бу ҳақда zamon.uz хабар берди.
Штатнинг шимоли-шарқий қисмидаги тоғли ҳудудларда кўчки содир бўлди. Юзлаб одамлар вайроналар остида қолиб кетган бўлиши мумкин. Расмийлар ҳозирча қурбонларнинг аниқ сонини маълум қилмаган.
Ҳодиса юз берган жойда қутқарувчилар ишламоқда. Уларга ҳарбийлар қўшилди ва ҳарбий ҳаво кучларининг учта вертолёти юборилди. Ёғаётган кучли ёмғир уларнинг ишини қийинлаштирмоқда.
Ҳиндистон Бош вазири Нарендра Моди қурбонларнинг оила аъзоларига ҳамдардлик билдирган ва уларга товон пули эълон қилган.
