Hindiston janubidagi Kerala shtatida ko‘chki oqibatida kamida 19 kishi hayotdan ko‘z yumdi. Bu haqda zamon.uz xabar berdi.
Shtatning shimoli-sharqiy qismidagi tog‘li hududlarda ko‘chki sodir bo‘ldi. Yuzlab odamlar vayronalar ostida qolib ketgan bo‘lishi mumkin. Rasmiylar hozircha qurbonlarning aniq sonini ma’lum qilmagan.
Hodisa yuz bergan joyda qutqaruvchilar ishlamoqda. Ularga harbiylar qo‘shildi va harbiy havo kuchlarining uchta vertolyoti yuborildi. Yog‘ayotgan kuchli yomg‘ir ularning ishini qiyinlashtirmoqda.
Hindiston Bosh vaziri Narendra Modi qurbonlarning oila a’zolariga hamdardlik bildirgan va ularga tovon puli e’lon qilgan.
