Google ва Levi’s ақлли "куртка”лар ишлаб чиқаришмоқда. Ҳозирда фойдаланилаётган электрон ускуналар — бу кечаги кун. Бугунга келиб ҳатто "ақлли электрон" кийим ҳам яратилмоқда!
Сизнинг курткангиз бир вақтнинг ўзида ҳам жисмоний ҳаракатингизни белгиловчи навигатор, ҳам аудоиплеер бошқариш учун пульт ва ҳаттоки, смартфонлар учун тўла бириктирилган функциялар жамланмаси вазифасини бажаришини хоҳлайсизми?
Таниқли кийимлар ишлаб чиқарувчи LEVI’S ва Google ATAP компаниялари ҳамкорликда “янги замонавий” кийим яратишди. Мазкур куртка ҳамма жойлари электрон қурилмалар билан ўралган. Сезгир электрон ускунадан тикилган бўлиб, одатий ҳаракатлар билан кийимни ташқи таъсир ва фойдаланувчининг буйруғи орқали смартфонда ҳам турли вазифаларни бажара олади. Масалан, тирбанд йўллар ҳақида олдиндан маълумот бериш, об-ҳавони кескин ўзгаришидан бохабар қилиш, яқин жойда жойлашган ресторан ва бошқа турли масканларни аниқлаш каби. Ёки энг оддий функцияси: тингланаётган мусиқани бошқасига ўтказиш. Мутахассисларнинг айтишича, курткани шу йилнинг куз ойидан бошлаб харид килиш мумкин. Аслида мутахассислар ва ишлаб чиқарувчилар мазкур курткани олдинроқ сотувга чиқаришни режалаштиришган. Аммо кийим ишлаб чиқарувчи компаниялар лойиҳани тўла тугалланмаганликлари сабабли сотув муддати кечиктирилди. Энг қизиғи, бу турдаги курткаларни ҳам одатдагилари каби ювиш, тозалаш ва ҳаттоки қуритиш мумкин.
