Бугунги кунда кўплаб имкониятларга, замонавий қулайликларга эга янги давр телевизорлари жаҳон савдо бозорининг асосий кучи бўлиб келмоқда. Лас-Вегас шаҳрида ўтказилган CES деб номланган тақдимотда Samsung компаниясининг янги давр телевизорининг биринчи нусхаси омма эътиборига ҳавола этилди...
Ақлли Samsung телевизори TV дастурларни томоша қилишдан ташқари тезкор интернет ҳамда смартфонга ўрнатилган иловалардан ҳам фойдаланиш имкониятини беради. Тақдимотда лойиҳа иштирокчиси Жейсон Барух ақлли Samsung телевизори ҳақида шундай дейди:
— Биз сизларга электрон ускуналари функцияларни бажарувчи янги авлод телевизорини таклиф этамиз. Ақлли Samsung телевизори сизнинг уйингиздаги эко мувозанатни сақлаб қолиш учун ёрдам беради. Телевизорда фильмларни кўриш билан биргаликда SmartThing иловаси орқали уйдаги электр назорат маркази, иситиш ва сув таъминоти марказларини назорат қила оласиз. Бу ақлли Samsung телевизорининг энг оддий функцияси. Яратилган янги авлод телевизори яқин келажакда уйнинг ажралмас қисми бўлишига ишонамиз.
Янги ихтиро қилинган телевизорнинг яна жуда кўп ақлга сиғмас функциялари борлигини таъкидлашмоқда: 4-х мм. қалинлиги ва 120 дюймли йирик экран. LeTV ходимининг таъкидлашича, бу телевизор компьютердек ўз операцион тизими, процессори ҳамда катта ҳажмдаги хотирасига эга. Шу билан бирга сенсорли экран орқали матн ёзиш ва яхши кўрган асарингизни мириқиб мутолаа қилишингиз мумкин. Samsung ақлли телевизори яқин кунларда сотувга чиқиши айтилмоқда.
