Чўққиларни забт этиш ҳамиша қизиқарли, мураккаб. Айни пайтда ўта хавфли спорт турларидан саналади. Бу борада рекорд ўрнатиш эса игна билан қудуқ қазишдек гап. Бироқ швейцариялик альпинист Андреас Штайндль Альп тоғи чўққиларини забт этиш бўйича рекорд ўрнатди. 26 ёшли рекордчи бир кунда 4000 м.дан юқори бўлган бешта тоғ чўққисини 7 соат 45 дақиқа ва 44 сонияда айланиб чиқишни уддалади.
