Жиззах вилояти, Фориш туманида Nexia ва Cobalt автомобилларининг тўқнашуви оқибатида камида 5 киши ҳалок бўлди. Бу ҳақда “Kun.uz” хабар берди.
Маълум қилинишича, ЙТҲ 4 апрель куни соат 16:05 атрофида “Жиззах—Боғдон — Қизилча” йўлида содир бўлган. Навои вилояти Хатирчи туманида яшовчи 27 ёшли У.Б. Nexia’ни бошқариб, қувиб ўтиш қоидаларини бузган ва қарама-қарши йўналишда ҳаракатланаётган, Фориш туманида яшовчи 35 ёшли Б.А. бошқарувидаги Cobalt билан тўқнашган.
ЙТҲ оқибатида ҳар икки машина ҳайдовчиси, шунингдек, Nexia’да йўловчи сифатида бўлган Хитойнинг 54 ёшли фуқароси воқеа жойида ҳалок бўлган. Cobalt да йўловчи сифатида бўлган икки киши эса шифохонада вафот этган.
“Kun.uz”нинг бошқа манбасига кўра, ушбу ЙТҲда жами 7 киши ҳалок бўлганлиги айтилмоқда. 5 киши воқеа жойида, 2 нафари эса шифохонада.
Ҳодиса юзасидан ҳозирча расмий маълумот берилмаган.
