Ҳар қандай вазиятда ёнингиздаги инсонни биргина кўз қарашидан нима истаётганини тушуниб олиш чинаккам ютуқ. Хаёлдан нима ўтаётганини ўқий олиш қобилияти эса ҳеч кимда йўқ. Лекин аёллар ва эркаклар психологиясидан келиб чиқсак, масала анчайин ойдинлашади. Шу маънода сизлар билан эркаклар психологиясидаги нозик сирларни бўлишиб, шаҳзодангизнинг чинакам маликаси бўлишингизга ёрдам бериш...
1. Ҳиссиётларга берилиб қуюшқондан чиқманг. Ўзингизни бошқара олмаслигингизни ҳазм қилолмай қолгани учун кўчадан нажот излашга тушади.
Маслаҳат: Исталган вазиятдан вазминлик билан чиқишга одатланинг.
2. Сўзларни саралаб гапиринг. Низоли вазиятда ҳам умумий нуқтада бирлашишга ҳаракат қилинг. Бу масъулиятли қадамни сиз босишингизга тўғри келади. Сабаби эркак киши ҳеч қачон гапирган гапидан осонликча қайтмайди.
Маслаҳат: Иш жанжалгача етиб борса, яхшиси жаҳлдан тушишини кутинг. Йўқса, ҳеч қандай натижага эриша олмайсиз.
3. Самимиятни йўқотманг. Эркак кишининг кўнглига йўл топишнинг осон йўли, бу — самимият. Ҳар бир эркак ёнидаги нозик ҳилқат вакилига ўзига ишонгандек ишонишни истайди.
Маслаҳат: Қанча самимий бўлсангиз, марра сизники.
4. Мақсад сари интилиш. «Эрим боқади, уй бекаси бўламан», деб умрини мақсадсиз ўтказадиган аёлларни кўпчилик эркак ёқтирмайди. Тўғри «Рафиқамни ишлатмайман», дейишлари мумкин, лекин бу шунчаки рашкнинг сўзлари.
Маслаҳат: Юқори марраларни забт этишни олдига мақсад қилиб қўйган аёллар эркакларнинг ҳурматига сазовар бўлади.
5. Ҳар нарсада меъёрни сақланг. Руҳшунослар «Эркак киши уни қаттиқ севадиган аёлга нисбатан қизиқишини йўқотади ва аксинча», деган эди.
Маслаҳат: Асални ҳам ози ширин!
Манба: «SUG‘DIYONA» газетаси.
