Ўзбекистон мактабгача таълим вазири Агриппина Шин Президент Шавкат Мирзиёев 22 ноябрь куни давлат ташрифи билан борган Корея Республикасида учрашув ва музокаралар олиб борди.
«Мактабгача таълим вазирлиги - бу мутлақо янги маҳкама, биз қарийб нолдан иш бошладик ва биз учун хорижий, жумладан корейс тажрибаси жуда муҳим», - деди Агриппина Шин.
Бугун Сеулда Ўзбекистонга 2000 дона пианинони беғараз тақдим этиш тўғрисидаги шартноманинг имзоланиши кутилмоқда. Бу «фарзандларимизнинг ҳар томонлама ривожланиши учун шароитларни яхшилашга хизмат қилади», деди Агриппина Шин. Бу ҳақда «Газета.uz» нашри маълум қилмоқда.