Шавкат Мирзиёев Нурсултон Назарбоевни туғилган куни билан табриклади

Ўзбекистон Республикаси Президенти Шавкат Мирзиёев бугун Қозоғистон Республикасининг биринчи Президенти Нурсултон Назарбоев билан телефон орқали мулоқот қилди.

Давлатимиз раҳбари Нурсултон Назарбоевни таваллуд куни билан самимий табриклаб, мустаҳкам соғлик, оилавий бахт ва фаровонлик тилади.

Ўзбекистон билан Қозоғистон ўртасидаги яхши қўшничилик, стратегик шериклик ва иттифоқчилик муносабатлари юксак даражага кўтарилгани катта мамнуният билан қайд этилди.