Ҳамма ҳам қизи чаққон, дастёр бўлишини истамайди.Уларга ҳали болалигиданоқ рўзғорни саришта тутишмасъулиятини ўргатиш керак. Ахир, аёл ўз касбини қанчалик яхши кўрмасин, мансабига қандай машаққатлар билан эришган бўлмасин, унинг аёллик вазифалари (уйни озода тутиш, бола тарбияси ва ҳ.к.) барибир биринчи ўринда туради.
Қизлар рўзғорда оналарига ёрдам беришлари шарт. Улғайгандан сўнг эса, уйларида хизматкор ишлатишадими ёки ҳамма ишни ўзлари эплашадимиихтиёрлари.
Меҳнатингизни роҳатини албатта кўрасиз
Одат-бола учунҳаётининг асосини ташкил этади. Уни болалигида ўрганиши керак бўлган нарсалардан четлатсангиз кейин кеч бўлади. Қизингиз эндигина юришни ўрганганда жавонидаги кийимларни саришталаётганини ёки идиш-товоқларни ювишга уринаётганини кузатганмисиз? Жажжа қизлар онасига эргашиб, супурса супуради, идиш ювса ошхона раковинаси бўйи етмаса ҳам қўлидаги пиёласини чайишга интилади. Биз эса: «Кет, кийимингни Кир қиласан! Қўлингни сувга теккизма!..», деб ғайратини сўндирамиз. Унинг хоҳишини амалга оширинг. Майли устини кир қилсин, полни сувга беласин. Унинг ҳар бир ишини: «Сенсиз шунча ишга қандай улгурган бўлар эдим? Сен хақиқий ёрдамчисан!», деб олқишлаб қўйишни унутманг.
Эринчоқликка қарши муолажа
Ҳар уйни тартибга солиш ухлашдан олдин тишни ювиш, кечки овқатдан сўнг эртак ўқиш каби одатлар қаторига, ҳеч бўлмаганда ўн дақиқа биргалашиб уй йиғиштиришни ҳам қўшинг.
Агар сиз буйруқ оҳанги билан: «Ўйинчоқларингни йиғиштир!», деб ўзингиз телевизор қаршисига ўтириб олсангиз, фарзандингиз ўзини жазолангандек ҳис қилади ва буюрган ишингизни бажаришни истамай, эринчоқлик қилишни бошлайди. Бола ишни ёлғиз бажарса энг енгил юмуш ҳам оғир ишдек туюлади. Агар болангиз билан биргаликда уй юмушларини бажарсангиз, у ўзи хоҳлаб сизга кўмаклашади, супуради, пол ва чангларни артади. Бироқ, сиз хам фарзандингизни кайфиятига қараб иш тутинг. Агар у телевизорда қизиқарли кўрсатув томоша қилаётган ёки қунт билан расм чизаётган бўлса ўз юмушларингиз билан уни чалғитманг!
Ақлли болалар
Шундай болалар ҳам борки, уларга ўйинчоқларни йиғиштириш ёки ошхонада сизга ёрдамлашишни икки марталаб илтимос қилиш шарт эмас. Кичкина бўлишларига қарамай меҳмон кутишни, идиш ювишни қойиллатадиган қизалоқлар ва шимини бемалол дазмоллай оладиган ёки уйнинг полини, чангни арта оладиган ўғил болалар ҳам бор. Уларнинг омадли ота-оналаридан, «болангизни қандай тарбиялагансиз», деб сўрасангиз, елкаларини қисиб: «Билмадик, ўзлари шунақа», дея жавоб беришади.
Йўқ, бу хулқ-атвор ўз-ўзидан шаклланмайди. Ҳама гап тарбияда. Бу ота-оналар ҳамма нарсани тўғри қилишган. Бола уч ёшида кўп нарсаларни такрорлашга харакат қилади, шу аснода рўзғор ишларини ҳам. Бироқ, у қилаётган ишларни мажбурият сифатида кўрмай, ишининг охирида миннатдорчилик билдириш керак. Масалан, яхши иш учун ўйинчоқ совға қилиш мумкин. Шунда у ҳам сизнинг меҳнатингизни қадрлайди.
Ҳар бир бола бир Дунё.
Бола мажбуриятини аниқлаш фурсати келди.Ошхонада ёрдам бериш бу ўйин эмас, у ҳаётнинг бир бўлаги. Супур-сидир жонга тегмаслиги учун эса, уни турли қизиқарли саргузаштларга бойитинг. «Бугун биз тартибсизлик билан курашамиз. Сендан янги китобни беркитиш учун тартибсизликни келтириб чиқарган безориларнинг адабини берамиз. Эртага эса биргаликда жодугар сеҳрлаб қўйган кийимларингни ювамиз. Болага ҳар бир қилган иши учун доим ўйинчоқ сотиб олиш шарт эмас. Бироқ, эркалаш ва ширинсўзларингизни ҳеч қачон аяманг!
Манба: “SUG‘DIYONA” газетаси
