Зарур масаллиқлар: хамирига: 200 гр. сариёғ, 3 стакан ун, 1 стакан сметана, 1 чой қошиқ истеъмол содаси; ичига солишга: 200 гр. творог, 1 стакан шакар, ванилин.
Тайёрланиши: 1. Сариёғни кўпиртиринг. Истеъмол содасини сметанага қўшиб, сариёғга солинг. Оз-оздан ун солиб, яхшилаб аралаштиринг. Тайёр хамирнинг устини ёпиб тиндиринг.
2. Творогга шакар қўшиб, бир хил масаллиқ ҳосил бўлгунча аралаштиринг. Сўнгра ванилин солинг.
3. Хамирдан 40 зувала ясанг. Ҳар бирини овал шаклида ёйинг. Ичига творогли аралашмадан солиб, тугинг. Банан шакли ҳосил бўлсин.
4. Пишириқ қоғози солинган патнисга бананларни териб, 180 даражада қиздирилган газ печига 25-30 дақиқага қўйинг.
1 соат
8 кишилик
Манба: “SUG‘DIYONA” газетаси
