Ўзбекистон Республикаси Ташқи ишлар вазирлиги расмий сайтининг хабар беришича, эртага вазирлик делегацияси Австрия пойтахти Вена шаҳрида бўлиб ўтадиган икки кунлик Европада хавфсизлик ва ҳамкорлик ташкилоти Ташқи ишлар вазирлари кенгашининг 24-мажлисида иштирок этади. Ҳар йили бир марта ташкил этиладиган йиғилишда 57 та мамлакатдан вакиллар хавфсизликка оид масалаларни муҳокама қилишади ҳамда ЕХҲТнинг фаолиятини таҳлил қилишади.
Эслатиб ўтамиз, шу йил ноябрь ойида Президент Шавкат Мирзиеев ЕХҲТ Бош котиби Томас Гремингер билан учрашуви чоғида ташкилот билан ҳамкорлик қилишдан манфаатдор эканлигини билдирган эди.
