“Android Authority” интернет портали мутахассислари томонидан андроид тизимида ишлайдиган энг яхши замонавий смартфонлар номи аниқланди.
Таъкидлаш жоизки, техник кўрсаткичлар, аккумулятор қуввати, ишлаш суръати, нарх, тасвирга олиш сифати алоқа воситаларини баҳолашнинг асосий мезонлари сифатида танлаб олинди. Унга кўра, Хитойнинг “Huawei Mate 10 Pro” русуми 361 балл билан биринчи ўринга лойиқ кўрилди. Иккинчи ўрин 354 балл билан “Samsung Galaxy Note 8”, учинчи ўрин эса 337 балл олган “OnePlus 5T” моделларига насиб этди.
