Пойтахтдаги туманлараро рўйхатдан ўтиш ва имтиҳон олиш бўлимларида бепул Wi-Fi тармоғи ташкил этилди. Бу ҳақда ИИВ раҳбари ўринбосари, Тошкент шаҳар ИИББ бошлиғи Рустам Жўраев 22 март куни бўлиб ўтган очиқ мулоқотда маълум қилди.
Фуқаролар Wi-Fi га паролсиз уланиб, истаган онлайн-ресурсга киришлари мумкин.
Бундан ташқари, барча бўлимларда аёллар ва ногирон фуқароларга хизмат кўрсатадиган алоҳида ойналар очилди. Рустам Жўраевнинг сўзларига кўра, ушбу ғоя унинг ўнлаб эркаклар биргина аёлга навбат бермаганликларига гувоҳ бўлганидан сўнг пайдо бўлган.
