Poytaxtdagi tumanlararo ro`yxatdan o`tish va imtihon olish bo`limlarida bepul Wi-Fi tarmog`i tashkil etildi. Bu haqda IIV rahbari o`rinbosari, Toshkent shahar IIBB boshlig`i Rustam Jo`raev 22 mart kuni bo`lib o`tgan ochiq muloqotda ma`lum qildi.
Fuqarolar Wi-Fi ga parolsiz ulanib, istagan onlayn-resursga kirishlari mumkin.
Bundan tashqari, barcha bo`limlarda ayollar va nogiron fuqarolarga xizmat ko`rsatadigan alohida oynalar ochildi. Rustam Jo`raevning so`zlariga ko`ra, ushbu g`oya uning o`nlab erkaklar birgina ayolga navbat bermaganliklariga guvoh bo`lganidan so`ng paydo bo`lgan.