Гавай оролларида дунёдаги энг замонавий оптик телескопни қуриш ишлари шу йилнинг тўртинчи чорагида бошланади. Бу ҳақда hi-news.ru нашри хабар беради.
Баландлиги 30 метрни ташкил этадиган ушбу телескоп орқали инсоният самодаги жисмларни янада аниқ, янада ёрқинроқ кўриш имкониятига эга бўлади.
Телескоп Гавайдаги Мауна-Кеа вулқони устига қурилади. Телескоп қуриб битказилгач, 2022 йилларда унда тадқиқот ишларини амалга ошириш ишлари бошланади.