Маълум қилинишича, Ўзбекистон элчиси Равшан Усманов Civil Service College (CSC) вакиллари билан учрашув ўтказган. Музокараларда давлат хизмати соҳасида ҳамкорликни кенгайтириш, илғор хорижий тажрибани ўрганиш ва уни миллий амалиётга жорий этиш масалалари муҳокама қилинган.
Томонлар қўшма таълим дастурлари ишлаб чиқиш, тренинглар ташкил этиш, онлайн ва гибрид ўқув платформаларини йўлга қўйиш, шунингдек, экспертлар алмашинуви ва қўшма тадқиқот лойиҳаларини амалга ошириш имкониятларини кўриб чиққан.
Учрашув якунида Ўзбекистон шаҳар ва туман ҳокимлари учун Лондонда қисқа муддатли малака ошириш курсларини ташкил этиш ҳамда давлат хизмати соҳасида ўзаро манфаатли ҳамкорликни давом эттириш бўйича келишувга эришилди.
