«Ўзбектелеком» АК Ўзбекистон тарихий ва маданий мероси ва фаол туристик ҳудудларида Wi-Fi тармоғи лойиҳаларини ривожлантиришни давом эттирмоқда.
ICT WEEK Uzbekistan-2015 ҳафталиги доирасида Самарқанд шаҳрида «АКТ ва туризм» мавзусида конференция ўтказилди.
«Ўзбектелеком» акциядорлик компанияси мазкур конференцияда тарихий ва маданий мерос обектлари ҳудудларида, шунингдек, Ўзбекистон Республикасида белгиланган фаол туристик жамоат обектларида симсиз абонентлик радиуланиш тармоқларини ташкил этиш бўйича лойиҳасини янада ривожлантириш режаларини тақдим этди.
2014 йилда «Ўзбектелеком» АК Хоразм вилоятида тарихий музей шаҳри «Ичан Қалъа»да оптик алоқа каналларини ташкил этиш ва тегишли радиоускуналарини ўрнатиш йўли билан симсиз абонентлик радиоуланиш тест ҳудуди фойдаланиш учун ишга туширилди.
Симсиз Wi-Fi -тармоғидан тест учун фойдаланиш натижаларига кўра, республикамиз меҳмонлари ва аҳолиси учун қулай шароитларни яратиш мақсадида компания томонидан Хоразм, Қашқадарё, Сурхондарё ва Тошкент вилоятида тарихий ва маданий мерос обектларида, шунингдек, туристик ҳудудлар, меҳмонхона, аэропорт ва вокзалларда симсиз Wi-Fi -тармоғини қуриш тижорат лойиҳаси амалга оширилди.
Бугунги кунда «Ўзбектелеком» АК томонидан Wi-Fi технологияси бўйича Интернет тармоғига уланишни тақдим этувчи ускуналарни барча монтаж ва созлаш ишлари якунига етди, шунингдек, Интернет хизматидан фойдаланиш учун олдиндан тўловли карталар чиқарилди.
Умумий ҳисобда Ўзбекистоннинг тарихий ва маданий мероси ва туристтик жиҳатдан фаол 40тадан ортиқ объект Интернетга юқори тезликда симсиз уланиш билан қамраб олинади.
Компания режаларига Ўзбекистоннинг бутун ҳудуди бўйлаб Wi-Fi тармоғини кенгайтириш киритилган.
