Андижон вилояти, Наманган вилояти ва Фарғона вилоятида мансабдорлар иштирокида коррупцион ҳолатлар аниқланди. Ҳолатлар бўйича жиноят ишлари қўзғатилиб, тергов бошланди.
Андижонда ҳоким ўринбосари ер ажратиш ва қурилишга рухсат олиб бериш эвазига 50 минг доллар талаб қилиб, пулни олган вақтида ушланди. Наманганда эса бош архитектор ноқонуний қурилмани расмийлаштириш учун пора сўраб, маблағни қабул қилаётганда қўлга олинган.
Фарғонада бўлим раҳбари ўринбосари фуқарони танишлари орқали ўқишга киритиб қўйишни ваъда қилиб, 2 минг доллар олган вақтида ушланган. Барча ҳолатлар юзасидан қонуний чоралар кўрилмоқда.
