Avegant kompaniyasi yangi turdagi gadjeti Glypth quloqchinlariga o`rnatilgan “kinoteatr”ni ishlab chiqarishga tayyor ekanligini va uning taxminiy narxini e`lon qildi. Bu haqda “Gazeta.ru” xabar bermoqda.
Unga ko`ra kompaniya o`zining yangi mahsulotini 699 dollardan sotishni rejalashtirmoqda. Mazkur loyihani ustidagi ishlar 2014 yilning yanvaridan boshlangan edi.Glypth tashqi ko`rinishi bilan virtual reallik shlemini eslatadi. Ammo u o`z mohiyati bilan virtual reallik shlemidan ancha yiroq. Ya`ni undan foydalanayotgan kishi o`zini haqiqatdan ham kinoteatrda o`tirgandek his etadi. Mazkur effekt quloqchinga o`rnatilgan okulyarlar va baland ovoz yordamida hosil qilinadi.