“Namanganda tadbirkorni urgan va qo`lini sindirgan IIB xodimlariga jazo bormi?” Tafsilotlar ma`lum qilindi (video)

Kecha, 27 oktyabr kuni ijtimoiy tarmoqlarda “Namangan viloyati Pop tumanidagi tadbirkorni urgan va qo`lini sindirgan IIB xodimlariga jazo bormi?” nomi ostida tarqatilgan videotasvirlar internet foydalanuvchilarining muhokamalariga sabab bo`lmoqda.

Namangan viloyati IIB ushbu holat yuzasidan rasmiy ma`lumot berdi.

Keltirilishicha, Pop tumani IIB 7-sonli IIB XPG profilaktika inspektori 2020 yilning 27 oktyabr kuni soat 14:00larda, o`ziga biriktirilgan Pop tumani Qo`shminor MFYda joylashgan, Pop tumanida yashovchi 1972 yilda tug`ilgan ayolga tuman xokimligi tomonidan tadbirkorlik qilish uchun ajratilib berilgan er maydoniga Qo`shminor MFY raisi hamda tuman er kadastir bo`lim mutaxassislari bilan birgalikda ayol arizasi yuzasidan o`rganish davrida jamoat tartibi va fuqarolar xavfsizligini ta`minlash uchun borgan. 

Shu vaqtda, Pop tumani G`urumsaroy MFYda yashovchi 1982 yilda tug`ilgan fuqaro o`zboshimchalik bilan xech kimdan so`ramay erni egallab olib, texnikalarni er ichiga olib kirib ishlatyotganligi aniqlangan. 

Fuqaroga bu harakatlari qonunga to`g`ri kelmasligini, nizoli holatni oldini olish maqsadida faollar tomonidan dalolatnoma tuzib vaqtincha qurilish texnikalarini to`xtatib turishlik to`g`risida tushintirilgan. Biroq, fuqaro ko`pchilik oldida arizachi ayolni uyatli so`zlar bilan so`kib, haqorat qilib kamsitganligi, shundan so`ng fuqaroni tinchlantirish uchun XPB profilaktika inspektori tomonidan tartibga chaqirilgan vaqtida fuqaro IIB xodimiga ham faol qarshilik ko`rsatib, uning qonuniy talablariga bo`ysunmay davom etganligi uchun uni yaqin IIO tayanch punktiga olib borish maqsadida chap qo`l bilak soxasiga qo`l kishani solinib olib ketilayotganda fuqaro "Meni shifoxonaga olib boringlar" degan, shundan so`ng Pop tuman tibbiyot birlashmasiga olib kelinib, tibbiy ko`rikdan o`tkazilgan va sodir etilgan huquqbuzarlik xolati yuzasidan hujjatlar rasmiylashtirilgan.
Fuqaro Pop tuman tibbiyot birlashmasiga murojaat qilib, Pop tuman IIB 7-son IIB XPG TP katta inspektori tomonidan unga nisbatan tan jaroxati etkazganligini bayon qilgan.

Sud-tibbiy ekspertizasi Pop tumani bo`limining 27.09.2020 yildagi dastlabki ma`lumotnomasida esa fuqaroning jaroxati-chap bilak yumshoq to`qimalarining lat eyishi va shlingan jaroxatlar aniqlanganligi ko`rsatilgan.

Ushbu xolat bo`yicha tuman prokuraturasiga xabar berilib, xozirda prokuratura tomonidan surishtiruv harakatlari olib borilmoqda, deyiladi Namangan viloyati IIB Axborot xizmati xabarida.