Chust oshi o`ziga xos mazasi bilan ko`pchilikni, ayniqsa, xorijliklarni o`ziga jalb etib kelgan.
- Ayni paytda zamonaviy Chust osh markazini barpo etish yuzasidan amaliy ishlar boshlangan. Ushbu markaz Chust do`ppisi va Chust pichog`i xalqaro muzeylari bilan bir joyda qurilishi ko`zda tutilmoqda,- deydi Turizimni rivojlantirish davlat qo`mitasi Namangan viloyat boshqarmasi rahbari o`rinbosari Anvar Ikromov.
Namangan viloyati hokimligi va Turizmni rivojlantirish davlat qo`mitasi tomonidan xalqaro an`anaviy “Taste of Uzbekistan” gastronomik festivalini tashkil qilish bo`yicha chora-tadbirlar rejasi ishlab chiqilgan bo`lib, unga ko`ra 2021 yilda Namanganda katta palov bayrami o`tkaziladi.
Ma`lumot o`rnida, tadbirda dunyoning 20 dan ortiq mamlakatlaridan 50 mingdan ortiq sayyohlar ishtirok etishi kutilmoqda.
Umida QO`ShOQOVA
Namangandan mahsus "Darakchi"uchun
